COMPETENTES

COMPETENTES

in prisca Ecclesia dicti sunt Catechumenorum ii, qui iam eruditi ac instructi in capitibus Christianae Religionis, ad Baptismum admitti postulabant: quod una et simul Baptismum peterent idque temporis, quô is conferri solebat, Sabbathum nempe, quod Pascha aut Pentecosten praecedit, exspectarent, nomen adepti. Vide supra Catechumeni, item Capitilavium, infra voce Regenerandi. De illis augustin. l. de Fide et Operibus, c. 6. An usque adeo dissinulamus a sensibus nostris, ut vel nos ipsos non recordemur, quam frerimus attenti atque solliciti, quid nobis proeciperent, a quibus catechizabamur, cum fontis illius Sacramenta peteremus, atque ob hoc Competentes vocaremur? --- quid autem aliud agit totum tempus, quô Catechumenorum locum et nomen tenent, nisi ut audiant, quae fides et qualis vita debeat esse Christiani --- quod autem fit per omne tempus, quod in Ecclesia salubriter constitutum est, ut ad nomen Christi accedentes Catechumenorum gradus accipiant; hoc fit multô diligentius et instantius his diebus, quibus Competentes vocantur, cum ad percipiendum Baptismus sua nomina iam dederunt. Et l. de Cura pro mort. Pascha iam appropinquabat, dedit nomen inter alios Competentes. Nempe sollicite erudiebantur Catechumeni, ut magna cum aviditate Communionem peterent; quam in rem exstant Patrum, qua Graecorum, qua Latinorum, Homiliae plurimae ad Catechumenas, in quibus ad excirandam hanc in illorum animis cupiditatem complura dicuntur. Eriam mos fuit, ut in publicis sacrae Liturgiae precibus, Sacerdos pro Catechumenis Deum oraret, ut iis desiderium regenerationis inspiraret. Atque ab hoc Catechumenorum Competentiumque desiderio Sacramentorum participationis, quae ipsorum ἐποπτεία erat, Baptismus Desiderata dictus est: voce ex ritibus paganorum deprompta, qui totô quinquennii spatiô praeparari solebant, et ardentissimô desideriô ac cum suspiriis epopsiae diem exspectare, docebantur, uti discimus ex Tertulliano, initiô libri adv. Valentinian. etc. Vide Casaubon. in Baronium, in voce Desiderata.